Aniztasun kontseiluak elkarbizitza hobetzeko asmotan,
zurrumurruak argitzeko aurreneko pauso gisa, Sos Arrazakeria
taldekoekin tailer sorta antolatu du.
Azkoitian bizi diren etorkinen inguruko zurrumurru eta iritzi okerren
eraginez, hainbat errezelo sortzen da herrian. Horri buelta eman
asmoz, Aniztasun Kontseiluak azterketa bat egitea erabaki zuen:
iritzi horiek bildu, aztertu, eta egiaztatu ondoren, benetako
informazioa kaleratu.
Horretarako, lehen pausoa Gipuzkoako SOS Arrazakeria-koekin 3
tailer antolatzea izan da. Aldez aurretik, beraiek prestatutako inkesta
banatu zen Kontzejupetik udal aldizkarian, herritarrei eskatuz
Azkoitian gehien entzuten diren 4 zurrumurruak aukeratzeko.
Emaitzen arabera, honakoak dira jendeak gehien esaten dituenak:
etorkinak gizarte-laguntzei esker bizi dira, ez dute integratu nahi,
gehiegi dira eta ezin ditugu gehiago onartu, eta neurriz kanpo
erabiltzen dute euskal osasun-sistema, eta larrialdi zerbitzuak
kolapsatzen dituzte.
Lehenengo tailerra maiatzaren 7an izango da, Elkargunean
18:00etan eta herritar ugari bertaratzea nahiko genuke.
1.saioa, maiatzak 7, asteartea: Zurrumurruen aurkako erantzunak.
Agustin Unzurrunzaga (SOS Arrazakeria).
- Azkoitian ditugun zurrumurru hedatuenen azterketa.
-Zurrumurruak, eta joera hori duten diskurtso politikoak nola
erabiltzen ari diren oraingo testuinguruan, politikoki analizatuko
dira, Europan hazten ari diren eskuin muturreko korronteak bereziki.
2.saioa, maiatza 21, asteartea: Kulturak eta identitateak.
Aurreiritziak, estereotipoak eta zurrumurruak. Xabier Aierdi (Begirune).
-Zer da kultura. Nola egituratzen dira kulturak eta identitate
kulturalak.
-Identitatea eta aniztasunaren eraikuntza Mendebaldean. Nola
sortzen dugu eta nola eraikitzen dugu bestearen eta gu-aren irudia.
-Aurreiritzi, estereotipo eta zurrumurru kontzeptuen definizioa. Haien
eginkizuna aniztasunari buruzko ideologiak eraikitzerakoan.
-Aurreiritzi, estereotipo eta zurrumurruak sortzeko eta hedatzeko
espazio eta hedabideen analisi laburra.
3. saioa, ekaina (4 edo 11) , asteartea.
Lehen zatia: Nola funtzionatzen duten zurrumurruek, nola eragiten
digun zurrumurruen birusak. Rafa Crespo Ubero (Xarxa Antirumors,
Barcelona).
-Nolako erlazioa duten estereotipoek, aurreiritziek eta zurrumurruek
desberdintasun sozioekonomikoekin. Dimentsio politikoa.
-Estereotipoak eta topikoak: eragileak, espazioak, sortze eta
hedatze-bideak.
-Nola eragiten dioten jende guztiari, eta nola inplikatzen gaituzten
guztiok.
-Kultura arteko komunikazioa eta gaitasuna, aniztasunean elkarrekin
bizitzeko ezinbesteko tresna.
Bigarren zatia: Ekintzarako lanabesak.
-Nola erantzun eta nola geldiarazi zurrumurruen kutsadura Eskubide
eta Betebehar Unibertsalen esparruan.
-Estereotipoak, topikoak eta zurrumurruak kudeatzeko esperientzien
aurkezpena eta analisia. Adibide praktiko batzuk.
-Sarean lan egiten, erantzuteko eta ekintzarako plataforma.
-Nola hedatu modu positiboan datuak biztanleria osoari.
-Topikoak eta zurrumurruak kudeatzerakoan jendarteko eta
pertsonen arteko komunikazioari buruzko orientabideak.
Tailer horiek JATORRI ANITZ HERRI BAT lanketan kokatu behar
dira. Elkarbizitza hobetzea da helburua. Azkoitian hainbat jatorritako
jendea bizi gara, eta DENOK GARA AZKOITIARRAK, denon
artean eraiki behar dugu gure herria. Sekulako aberastasuna
daukagu hemen, gutako bakoitzak dauka zerbait eskaintzeko, eta
hori baliatuz egingo du aurrera herri honek, gure jatorria edozein
dela ere .
Tailerretan parte hartzeko komeni da izena aurretik ematea,
maiatzaren 3rako, Udaleko Aniztasun Sailean, 943 080 080
telefonora deituta edo
Helbide elektroniko honek spam bot-en kontrako babesa du. Ikusteko Javascript-a aktibatu behar duzu
helbidera mezu bat
bidalita.
