Kaixo denoi.
Gaur goizean 5:30ean jaiki naiz, egunsentian argazki batzuk ateratzeko asmoarekin, baina hara ustekabea! Dena lainotuta zegoen. Goian ezer ezin ikusita, beherantz begira hasi naiz, eta distira batzuk sumatu ditut belarretan. Ihintza zen, lorategi osoan iratxoren batek ezartzen dituen ur-tanta nimiño horiek.
Gertaera fisiko-meteorologikoa da ihintza, aireko hezetasuna tanta moduan kondentsatzen duena, tenperatura bat-batean jaitsita edo gainazal hotzak ukituta gertatzen dena. Ihintza dela esaten dugu orokorrean gainazal bateko kondentsazioa denean, eskuarki lurzoruaren azal begetala izaten dena.
Hemen utzi dizkizuet gaur goizeko ihintzaren argazki batzuk.
Jon Andoni Martin Pegote
| < Aurrekoa | Hurrengoa > |
|---|
