Azkoitiko Udalak bat egin du Berria egunkariak, Elkar argitaletxeak eta
Katxiporreta pailazo taldeak sortu duten Irrien Lagunak klubarekin.
Kluba da natura, zientzia, osasuna, kultura eta elkartasun baloreetan
oinarritutako euskarazko proiektu hezitzaile eta komunikatibo bakarra
3 urtetik 9 urte bitarteko haurrentzako esparruan.
Proiektua aurrera ateratzeko ezagunak diren Porrotx, Pirritx, Pupu eta
Loreri Largabista basozaina, Marikalanbre neskatila zientziazalea,
Tiritatxo pediatra, Martinbertso kulturzale gaztea eta beste hainbat
pertsonaia berri batu zaizkie.
Klubak bere helburuak bideratzeko dituen baliabideak dira
www.irrienlagunak.com web gunea, Zeraingo irrien lagunak
aterpetxea eta Irria aldizkaria.
Web gunea doakoa da. Haurrak izena eman orduko, automatikoki
klubeko kide bihurtzen da. Bertan klubari buruzko gorabehera guztiak
ez ezik, jolasak, zozketak, ipuinak, musika eta abar ere badago eskura.
Gainera, ikastetxe eta elkarteek ere eman dezakete izena.
Zeraingo irrien lagunak aterpetxean, berriz, familiei, lagun
taldeei, ikastetxeei eta elkarteei zuzendutako egun bateko,
asteburuko, bi edo hiru eguneko egonaldiak eta jarduerak egiteko
aukera aparta dago klubeko pertsonaiekin.
Azkenik, Irria aldizkariarekin helburua da gaztetatik umeek prentsa
eta liburugintzara ohitzea. Horretarako hilean behin harpidetza bidez
etxean jasoko dute 44 orrialdeko aldizkaria klubeko pertsonaien
abentura, joko, bertso eta eurentzat bereziki landutako atalekin.
Gurasoek, berriz, e-postaz seme-alabekin aldizkaria lantzeko gida.
Irrien lagunak klubak Udalari Irria aldizkaria Azkoitian
zabaltzeko laguntza eskatu dio. Udalari euskarazko produktuen
erabilera eta kontsumoa ez ezik, sustapena ere badagokionez, erabaki
du urtebetez aldizkari horren 30 harpidetza bere gain hartzea.
Hortaz, HH03tik LH3raino Floreaga salestar ikastetxean mailako aldizkari
bana jasoko dute hilero uztaila eta abuztuan izan ezik. Ikastolan, aldiz,
maila bakoitzeko 2 ale, mailako ikasle talde kopurua handiagoa delako.
Aldizkaria anbulatorioan, ludotekan, liburutegian, musika eskolan eta
AEK euskaltegian ere eskuragarri izango da.
Bestalde, Udalak 8 harpidetza zozketatuko ditu 3-9 urte bitarteko
seme-alabak dituzten herriko familien artean.
Pirritx eta Porrotxen aldizkariaren zozketan parte hartzeko Irrien lagunak
klubeko 3 pertsonaien izena eta deskripzio txikia egin eta bidali behar da
udaleko Helbide elektroniko honek spam bot-en kontrako babesa du. Ikusteko Javascript-a aktibatu behar duzu e-posta, Facebook edo Twiter
guneetara edo utzi udaletxeko harreran horretarako jarri den kaxan.
Zozketako izenak eta deskripzioak bilatzeko informazioa
www.irrienlagunak.com gunean dago.
Zozketan parte hartzeko azken eguna maiatzaren 15a da.
Informaziorako telefonoa 943 857175.
Animatu eta Parte hartu!
